An die Siebziger

Von Barbara Wagner

Ich grieß' eich ihr Siebzicher!
Will viel Zeit net verliere,
Zum U'lass heint a Gedicht deklamiere -
Vun d' Zeit dehuam, vun all' dene Jahre,
Wu mir als Kinner so glicklich wäre.

Do war unser Schulzeit, die erschte zwa Klasse
Beim Lehrer Wild, der war streng, mr kunt's als net fasse
Heint seh‘ mr's schun anerscht, des war schun ganz richtig
Weil s' Lerne in d' Schul, des is doch so wichtich.

Morjets, wann's gelitte hot um halwer acht,
Hot mr sich schun uf de Weg gemacht.
Um 8 Uhr is d' Lehrer in die Klass neikumme.
Noch 'm Grieße, Bete, Ufrufe, hot glei 's Lerne begunne

Die Pause war schie, mir sein in Hof nausgange,
Hun was g'spielt odr sein so rumgstanne.
Noch d' Pause is 's wiedr weidrgange mit'm Lerne –
Un es hot a End ghat des Jachte un Lärme.

Ware mir schie brav beim Rechne un Lese,
Is jo alles in Ordnung gewese.
Um elfi war die Schul no aus
Un mir sein alli gange nach Haus.

Numittags is ‘s no wiedr  weidergange.
Die Schul hot do um 2 Uhr u'gfange.
So is als im Flug die Zeit vegange
Un am „Vidovdan" hun die Ferie u'gfange.

Am erschte September war rum die schie Zeit .
‘S nei Schuljahr hot u'gfange, 's war widr so weit.
In d' dritte un in d' vierte Klass,
Hatt d' Lehrer Bloser mit uns sei Spaß.

Ah, der hot mit'm Lerne uns ganz schie dru genumme
Weil‘r jo selwr vun d' Schul erscht war kumme.
Die Fünft, die Sechst, die Siwet un die Acht,
Die hun mr beim Lehrer Heinz gemacht,

‘S war die schenscht, mir denkt's noch genau,
Mir ware schun größer, hun gemeint mir sein schlau.
Ich erinner mich an vieles,’s tät zu weit fiehre,
Tät ich eich alles vun domols zitiere.

Awr a Sach, die is mr widr eigfalle,
ich was net, vielleicht gedenkt‘s eich alli:
‘S war im Herbscht uf ‘m Schulweg, wie immr
‘S hat schun gelitte - mir ware a halt Kinner.

Un weil's in d' Nacht so windich is gewese,
Hun mr noch schnell a paar Nusse  ufgelese.
Des war halt a ganz bsunnderer Spaß,
Des Jachte ging weidr noch drin in d' Klass.

D' Lehrer is neikumme — mir hun ‘n  net g‘hert
Weil ‘s grad so schie is gange.
Er war ganz empört, is mit'm Stecke do gstane:
„Ich wer eich schun gewe for eier Posse!
Kennt Ihr net ruich sei un den Lebtag losse? „

Druf hie hun die Buwe ihre Prigl empfange.
Die Mäd' ihr Bratzl, ja so is des gange.
In de Klass war Ruh, es hot niemand meh gelacht,
Mir hun uns widr ans Lerne gemacht.

Gute Lehrer sein s' uns alle gewese,
Hun uns gelehrt net nor Rechne un Lese.
Hot mr amol net glei alles vestanne,
Sie hun's am erklärt, mr brauchte net lange.
Drum tun mr a heint noch no all' dene Jahre,
A „Dankschön" ihnen im Herze bewahre.