Jarek des is mei Heimat
Musik und Text von Lehrer Wilhelm Heinz
Dieses Lied von Lehrer Wilhelm Heinz wurde in den 1920iger Jahren geschrieben. Es sollte auf humorvolle Weise die Schwächen der Jareker aufzeigen, z. B. dass die Kinder schon im frühem Alter verlobt wurden, so dass die Grundbesitz zusammenpasste, dass die Familien nur ein Kind wollten, um den Besitz nicht zu zerstückeln, und dass die neu eingeführte „Elektrisch“ ständig ausfiel. Es sind mehrere Strophen, von denen nur die ersten hier gesungen werden.
Jarek des is mei Heimat ,
a Dorf recht schmuck un schee.
`S gebt im ganze Komitat
jo so kaa zwates meeh.
Doch 's is net grad zu lowe
des alles mir soll 's net saa,
weil unsre harte Schwowe
des net so leicht vetraa.
Mer soll 's ja gar net saas
weil’s arich zu beklaa.
Awer ich kann jo nix devor
was wohr is des is wohr.
Friehr do war alles viel schenr
in guter alter Zeit .
Do war es Haus voll Kinner
un gsund, des war e Freud.
Die Kinner Gottes Gawe,
des Sprichwort gilt net mer .
Dort leid de Hund begrawe
die Wurzel vum Malär.
Es will nimand ka zwaa,
des is arich zu beklaa.
Ich kann awer nix devor ,
was wohr is des is wohr.
Die Mädcher un die Buwe
die müsse zu de Halt.
Die Motter tut se schuwe
kaum sein se 12 Johr alt.
Sie saat:“Du werscht wohl wisse,
das 'd verspreche bischt mit 'm Franz
Der derf dich a grad küsse
weil 'r meeh hot wie de Hans.“
Mer sollt 's jo gar net saa
's is arich zu beklaa.
Awer ich kann jo nix devor
was wohr is des is wohr.
Un bal nach e paar Woche
do is zu nix mit 'm Franz.
Un ‘s Mädche werd vesproche
jetz mit ‘m reiche Hans.
„Na des sein doch noch Sache,
kummt „ ,saat voll Wut die Schwier
un die anner saat:“mir mache 's
jo grad so wie ihr friehr.“
Mir sollt 's jo gar net saa
's is arich zu beklaa.
Awer ich kann jo nix devor
was wohr is des is wohr.
Es tut e Krankheit brade
im ganze Dorf umher.
'S bringt Nutze un bringt Schade l
un manchem oft Malär:
Die Leut die sein befalle
von Wassersucht, o weh.
Sie kenne 's Wasser nimmi halle,
awer net mich falsch versteh.
Mir sollt 's jo gar net saa
's is arich zu beklaa.
Awer ich kann jo nix devor.
Was wohr is des is wohr.
Wassersucht is net so ohne,
die is ansteckend ihr Leit.
Sie tut sogar net schone
net emol die Wertsleit.
Es gebt jo zwar a gude
die greift 's so leicht net aa,
die G 'sangsvereiner un die Jäger
könne 's Wasser net vetraa
Mer sollt 's jo gar net saa
's is arich zu beklaa .
Awer ich kann jo nix devor ,
weil was wohr is des is wohr.
Es wär noch viel zu krittle.
Doch bin ich net gericht.
Awer ons möcht ich noch rüttle:
des is 's elektrisch Licht.
Uff omol tut’s so funkle
grad wann ‘d am Esse sitscht.
Un schwapp, kannscht tappe im Dunkle
ums alt Petrolium Licht.
„Wu stecke nor die Ratzer,
verflucht „,schreit mer vor Wut.
„Verkehrte Gs' ellschafts Patzer,
steckt eich euer Licht uff d' Hut“
Es Mozi (Kino)hot ongfange
‚S Stück is noch net aus.
Grad wie ‘s am schönschte is gange,
puff war die Elektrisch aus.
„Grad jetz hot ‘s ausgeh müsse“
saat’s Mäde dort zum Bu .
„Die wollte sich grad küsse
un des schau ich am liebschte zu.“
Awer manchem is ‘s a recht
dort froht emol d' Knecht
Ich kann jo nix d‘ vor
was wohr is des is wohr.
Ich moan es tut schun funkle,
d 'rum mach ich mei Lied gschwind aus.
Schunscht find ich noch im Dunkle
net vun d ' Bühne naus.
No bleib ich a noch stecke,
not lacht ihr mich noch aus.
Na des is jo schun zum Frecke,
do hoscht, -jetz is es aus!
Do saa ich awer keck :
die Elektrisch is e Dreck .
Ich kann jo nix d 'vor,
was wohr is des is wohr.
Die Johre sein verschwunne
un die Bograze tun des scheene Feld
jetzt schinne un verhundse
un hun doch gar kaa Geld.
Was unsre alde Ahne
in 200 Johr hun ufgebaut,
des hun die in paar Johre
wieder ganz versaut.
Ihr liewe Jareker ich muß eich sa:
Ich schau schun a Weilche zu.
‚S will wieder oner meh wie de anner
un des Geld lost wieder ko Ruh.
Bei de Kinner is es wieder bei ons.
Die Pille hot des gemacht.
Unser Kinner müsse was zu erwe hun
net aa Haus sonder gleich zwaa.
Eier scheenes Jarek
geht in die Gschicht nun ei.
Un Gschichte haast Vergangenheit.
Es muß halt amol sei.
nehmt Abschied ihr Leit
Alles geht vorüwer
auf dieser schöne Welt.
So wie eier Jarek aa,
halt 's fesch t in eiram Herze
un tut 's mit Fassung traa.